韩国过江龙！首尔40年韩牛解酒汤、牛肠锅名店登陆香港

旅游购物 2024年11月01日 12:54 245 林斌

锺情韩食嘅朋友相信对呢间嚟自首尔嘅餐厅唔陌生，品牌喺首尔开业40年，係当地人气韩牛专门店嘅老字号之一，晚市平均要等2个钟先食到，认真夸张！今次登陆香港开设首间海外分店，除咗带嚟招牌菜解酒汤同牛肠火锅外，仲有香港限定菜式𠻹～

韩国韩牛老字号招牌传统解酒汤

餐厅选址喺湾仔，装潢风格仿照韩国总店设计，以古典嘅深色木材为主调，佔地3,000呎，空间感颇大。品牌多年嚟都係主打名物解酒汤，香港人或者会觉得陌生，但其实解酒汤喺百几年前已经出现，当时韩国仁川港开港，唔少码头劳动者会将正餐剩下嘅内脏、碎肉、骨头等用嚟熬汤，用作酒后品嚐。时至今日，成为韩国人聚餐、消除宿醉嘅主要美食。