Babyface港男黄先生公开向《东张》女神示爱梁敏巧：咁有市场边衬得起你

旅游购物 2024年10月29日 19:22 737 张娅楠_1

Babyface港男黄先生公开向《东张》女神梁敏巧示爱直言30日内要追到

TVB全新综艺节目《呃钱》受骗者「Baby face」黄先生于节目内讲出一句「Baby face，点会无市场？」，因而惹起热议。近日，「Baby face」黄先生与林作拍片，公开向早前于节目访问佢嘅东张女神梁敏巧（Maggie）示爱，直言要喺30日内追到对方。

日前，林作于社交平台分享与「Baby face」黄先生拍摄嘅短片，宣布「#babyface追东张maggie 30日大挑战」正式开始：「我教佢宇宙吸引力法则，日日想着东张Maggie，就会心想事成！」，仲Hashtag埋梁敏巧，写道：「佢会好努力咁证明俾你睇，佢係值得你拥有嘅BABY FACE」。从短片所见，「Baby face」黄先生被问到有几钟意梁敏巧，佢就自信地向镜头展示佢手机，用上梁敏巧嘅照片作屏幕照，更公开表示要追求对方：「我要媾Maggie，我要媾《东张》Maggie。我唔理，我要媾《东张》Maggie，我有《东张》Maggie使畀人呃？」随后，又自爆对梁敏巧心动原因：「我贪佢够高，我钟意佢教瑜伽！」最后，林作建议「Baby face」黄先生减肥，但佢就仍相当有自信地表示唔想减肥：「我惊我减咗，好多人钟意我，我会花心，对Maggie唔公平」。

就「Baby face」黄先生嘅表白，梁敏巧于接受媒体访问时表示当日做完访问就无联络，对方都无问过佢拎电话；直言睇完得啖笑，自觉衬佢唔起；事后，梁敏巧又于IG限时动态发布「Baby face」黄先生直言要追佢嘅截图，写道：「你咁健谈又咁自信，仲有baby face 咁有市场边衬得起你，你都係搵返个比我更优秀嘅女仔把啦」，续指：「不过，我都好多谢佢嘅欣赏，其实如果佢更努力做好自己，提升自己，一定会有好多女仔锺意」。