爆一爆｜郑家有喜香港富三代紧贴「中港融合」趋势（Louise）

旅游购物 2024年10月28日 15:38 373 王灏舟_1

正所谓「中港融合」乃是大趋势，仍留係香港揾食嘅富豪又点会唔睇通呢点呢？除咗引入国企要员出任其上市公司非执董指导一下，就连娶新抱亦紧贴此趋势。

下载财经APP

美股外币即时报价多国新闻任睇

纯官孻仔将小登科

新世界郑氏家族嚟紧十二月「家有喜事」，纯官孻仔郑志亮（Christopher ）小登科，新娘子名字「Tina Huang」，相信纯官也很满意这位 Huang 小姐为新抱。经早前接班洗牌后，郑志亮获委以重任，担任家族私人钱包周大福企业的联席 CEO。随即拉埋天窗成家立室。十二月初就係自己地头Rosewood 酒店摆酒，届时将是城中又一「盛事」了。

其实香港富三代早已紧贴中港融合之势，娶内地专才。新地郭氏家族第三代，即郭炳联个仔郭基泓（亦係Christopher )，其妻乃是前凤凰卫卫视女主播赵情晴（真名赵勍勍），二人早于2011年认识，老婆大郭基泓两岁，几年前结婚成为郭氏夫人。

39歲的立法會議員梁熙今年初大婚，老婆就係2019年國內生活觀察節目《遇到你真好》嘅主持紀思清。

39岁的立法会议员梁熙今年初大婚，老婆就係2019年国内生活观察节目《遇到你真好》嘅主持纪思清。 (Anthony Kwan via Getty Images)

另一例子亦係前凤凰卫视记者出身。39岁的立法会议员梁熙今年初大婚，老婆就係2019年国内生活观察节目《遇到你真好》嘅主持，今年30岁的纪思清。佢哋今年一月底係四季酒店摆酒，网上都热论纪思清结緍大事，但没披露其夫身份。

梁熙老豆梁英伟，早年係大刘做风扇厂及爱美高嘅生意拍挡，九十年代已返去东莞樟木头做地产生意，疫情前係旺角搞咗幢希尔顿花园酒店，所以梁熙都係富二代，所以唔好怪佢唔知西湾河已有地铁站。现时有个凤凰卫视记者出身嘅老婆，从政嘅梁熙相信更如鱼得水。其实甘比早就示範了什么是「遇上你真好」，所以别睇小我哋呢啲穷记者呀。

热门新闻