首页 今日新闻文章正文

洪卓立曾一度暴肥至200磅 近照清减不少下巴轮廓出返嚟

今日新闻 2024年10月27日 14:14 469 facai369

洪卓立

现年37岁嘅歌手洪卓立（Ken）出道17年，虽然有《爱．无胆》、《弥敦道》、《苦行僧》及《你那边好吗？》等多首代表作品，不过星途一直处于浮沉状态。大家反而对佢与汤怡和刘沛蘅（Hillary）嘅先后两段感情比较有兴趣，佢同刘沛蘅自2022年3月底公开恋情后，爱得相当高调，除咗以情侣档接拍广告，更不时喺社交平台放闪，但可惜二人喺上年11月宣布分手。有传佢因情伤嘅关係，导致身型暴肥至200磅，后来佢澄清增磅嘅目的係锻炼肌肉。直至近日，洪卓立喺社交网站上载近照，睇落佢清减唔少。

洪卓立（Ken）今年先后喺内地多个城市举行巡迴演唱会，佢亦曾为身型暴肥而作出回应︰「#解释即是掩饰，但掩饰也是事实，很多人问我之前辛苦练来的肌肉去了哪，其实是因为自己不小心触碰旧患腰伤关係，完全停止了重训几个月，既然不能变「大只」 就尝试向「好瘦」的目标进发啦！看看能不能尽量变回以前『你们很喜欢但我自己很不喜欢』的样子。」近日佢喺社交网站上载近照，比起最涨嘅时候已经好大分别，下巴轮廓出返嚟，似乎已经减肥成功啦！难怪唔少网民都睇得出佢瘦咗，留言话「其实好好奇点解侧面可以咁瘦嘅？」、「哇，好靓仔」及「点解可以靓仔到咁」等等。

2012年洪卓立2012年洪卓立

按此下载全新 APP，睇尽最新娱乐新闻、乐坛消息、名人热话、热门电影、Netflix剧评，新人更可换领限量新人礼，立即下载！

其他人也在看

相关文章

个人随笔 鲁ICP备20004477号-1