爱回家｜伍仲衡大晒与熊家合照将加入剧组？照片透露有「三旧将」回归

今日新闻 2024年10月23日 14:58 838 facai369

伍仲衡于TVB歌唱真人骚《中年好声音》担任评判，风趣幽默嘅评语收获不少粉丝，近日佢于社交平台透露自己拍剧，虽然未有讲明係为边套剧开工，但伍仲衡就贴出一张与《爱‧回家之开心速递》一班演员食饭嘅合照，唔少网民估计伍仲衡将客串演出《爱‧回家之开心速递》，又表示相信该集播出当晚收视将创新高。

伍仲衡连日来于社交平台PO出多张工作照；首先，分享TVB电视城嘅照片，写道：「晨咁早，今日嚟……拍剧，客串吓姐」，再嚟就係贴出喺公司Cafe同《爱‧回家之开心速递》演员嘅合照，以及喺化妆间化妆嘅自拍照，指自己第二日开工。网民都表示相当期待，留言叫伍仲衡努力加油：「呀sir，加油呀，到时记得提我地睇呀」、「慢慢会变成主角」、「伍sir，唱弹优则演！真係估您唔到呢～利害利害啊」、「播出当晚收视肯定创新高」、「究竟饰演咩角色呢，係未长期吾岛嘅王子呀」、「我谂你拍剧都好受欢迎」等等。

从伍仲衡嘅照片中，除咗刘丹、吕慧仪、单立文、汤盈盈及古佩玲，亦见到久未于剧集露面嘅「金城安」周嘉洛和「秦博思」马贯东，前者不时因拍正剧暂别《爱‧回家》剧组；后者则于2019年剧情交代佢与Mandy（谢芷伦饰）双双前往英国发展从而淡出，当时唔少网民都希望马贯东可于不久将来回归大家庭，但马贯东之后仅于2020年客串过一集《爱‧回家》。此外，胡渭康同样喺社交平台分享同一个场景与《爱‧回家》演员嘅合照，不过佢就坐咗伍仲衡嘅位置，表示：「爱回家之加双筷」，唔少网民都留言询问胡渭康係咪回归剧组。